Uska Guzarna

Guzarti hai woh kareeb se,

Bina dekhke mujhe,

Par nazar uski mujhpar toh zarur hai,

Warna raaste toh bahut hai jahaan mein,

Lekin jaana usse meri hi galli se zarur hai.

Tehalti hai woh meri galli mein,

Bina baat kiye mujhse,

Par baatein uske paas toh bharpoor hai,

Warna chaukhat toh bahut hai galli mein,

Lekin uske pairon mein kaanta chubhna meri chaukhat par yeh dastoor hai.

Rukti hai woh meri chaukhat par,

Nazar bina milaaye mujhse,

Par muskurati woh mujhpar zarur hai,

Warna kaante ke chubne par bhala,

Uska itna itraana mera hi toh kasoor hai.