Teri Yaad Nahi Aati

Ab mujhe teri yaad aati nahi hai,

Kyunki teri yaad kabhi gayi hi nahi thi.

Teri tarah,

Jo ab meelo door hai.

Itni door ki dikhaayi bhi nahi deta.

Aur teri yaad,

Ab bhi,

Mere saath,

Kadam se kadam milakar chal rahi hai.

Din bar din,

Kabhi mujhse ek kadam peeche,

Kadi dhoop mein mere saaye mein chupkar,

Aur raat ke gehre andhere mein,

Mujhse lipatkar,

Chal rahi hai;

Baatein teri dohraate hue,

Tera chehra fir se yaad dilaate hue,

Tere na hone par bhi,

Tera ehsaas karwaate hue.

Ab mujhe teri yaad nahi aati,

Kyunki teri yaad kabhi gayi hu nahi thi.