Teri Khawaish
Mehki mehki hawa hai,
Sard thodi si subah hai,
Kya chahta hai tu bol toh,
Aaj teri har khwaish mein,
Meri raza hai.
Kahe tu toh pahaado mein ghar basa lein aaj hi,
Chota sa hi sahi,
Kisi jharne ke paas kahin,
Hogi har subah,
Har shaam wahin,
Chai ke do cup,
Sukoon aur araam bhi.
Kahe tu toh sarhad paar chalein aaj hi,
Kahin door jaha hume jaanta na ho koi,
Ek nayi zindagi bana lenge,
Koi naya thikaana hum sawar lenge,
Agar tu ho saath mere har kadam mein,
Fir kya hi koi takleef, sab bhoj hum utha lenge.
Kahe tu toh tere liye kitaabe likh du,
Panne bhar bhar har yaadein likh du,
Har mulakaat, har raat ki saari baatein likh du,
Ghar banane ki aashayein likh du,
Teri mujhse jo hai chahatein likh du,
Meri toh tujhe pata hai par fir bhi balaein likh du,
Meri chahat na likhu par itna sab kuch likh du,
Ki woh sab chahat se kam na ho, itna kuch likh du.
Tu bol toh kya chahta hai tu,
Aaj teri har khwaish mein,
Meri raza hai,
Yeh jo mehki mehki si hawa hai,
Sard aaj thodi si subah hai.
Comments