Mann Nahi Lagta

You know,

Aajkal mera kisi bhi cheez mein mann nahi lagta,

Whenever I tell this to someone, anyone,

They tell me to do something I love,

But what do I even love anymore?

Something that makes me happy?

TBH, what happiness?

Kaisi khushi jab pehla khayal dimag mein yeh aata hai ki,

Ek taraf duniya ke war chalu hai,

Literal war with topp and bamb and goliyaan,

Aur dusri taraf hum Diwali mana rahe hai,

With pseudo bamb and pataake,

Jispar court ban bhi 2 din pehle lagayega,

Wahi pataake jo underprivileged bacche banate hai,

Jinse unko shayad do waqt ki roti milti hogi,

Aur lifetime ki saans ki bimaari,

Wahi pataake jo jaanvaro aur insaan naamak jaanvar ke liye bilkul theek nahi hai,

Wahi pataake 'fodne' hai,

Aur Diwali manani hai.

Kaisi Diwali?

Aur Diwali tab manayi thi na jab burai ka naash hua tha,

Par ab toh itni buraai hai duniya mein,

Phir kaha ki Diwali?

Aur kyu?

Ab toh kuch bhi karne ka mera toh mann nahi karta.

Fir koi kehta hai,

Likh de koi nayi si poem,

Kon hai tera muse aajkal?

Bhai, nahi hai muse,

Aur nahi hai koi motivation ya inspiration,

Existential crisis hai,

Padh liya?

Isliye ab likhne ka bhi mann nahi karta,

Kuch zyaada hi sach lagta hai sab kuch fir.

Aur sachi, ab sach sunne ka bhi mann nahi karta,

Kyunki fir mera dimag kab thinking se overthinking karne lagta hai,

Yeh mujhe khud nahi pata chalta.

Anyway, jao, feeling aa rahi ho,

Toh mana lo Diwali.

Warna kal mai yahi milungi,

Naye overthinking wale thought ke saath.

I think iski reel banaugi toh viral ho sakti hai. Hmm.