Dhoondhne/Milne/Samjhne/Khoj

Dhoondhne toh kuch aur gayi thi,

Mil mujhe woh gaya,

Kaam ki baaton baaton mein,

Bina bole bahut kuch bol gaya.

Dekhe nahi woh aakhon mein,

Par dekh toh woh mujhe raha tha,

Bina bole bahut kuch par,

Samjh mujhe toh woh gaya tha.

Saamne baithi thi mai uske,

Saamne mere woh kuch toh tatol raha tha,

Samjh mujhe gaya tha woh,

Mujhe samjhne ki koshish woh bhi toh kar raha tha.

Dhoondhne toh kuch aur gayi thi,

Par samjh mujhe toh woh gaya tha,

Saamne baithi thi mai uske,

Par woh toh mujhe hi khoj raha tha.