Chaubees

Chaubees ghanto mein din ke,

Chaubees hazaar baar tumhari yaad aati hai,

Aur raat mein jab aankhien band ho toh,

Sapno mein tumhari jhalkein dikh jaati hai.

Chaubees dino se tumhe dekha nahi,

Yeh doori bhi toh chaubees sau kilometer se zyaada hai,

Paas bhi agar ho tum toh,

Chaubees ghanto ka hi toh tumhara vaada hai.

Chaubees hafto tak baatein jab ho,

Har roz milne ki chahat ho jaati hai,

Chaubees minat bhi mile jaaye toh,

Ek shaam aise hi toh beet jaati hai.

Fir agle chaubees ghante ke din mein,

Wahi chaubeeso baatein yaad aati hai,

Raat mein jab mai soyu toh,

Tumhari hi jhalak nazar aati hai.