Chalte Chalte Itna Door

Chalte chalte shayad bahut door aa gaye hai hum,

Ek din likha tha,

Ab Roz likhte ja rahe hai hum,

Itna bhi door nahi aana tha mujhe,

Itna kabhi lafzo mein ulajh jaana nahi tha mujhe,

Par dekho, raah se bhatak gaye hai ab hum,

Kitna kuch inn lafzo mein keh gaye hai hum,

Kuch toh tumhe bhi pasand aaye honge kabhi,

Par itna sab kaise likh chuke hai hum,

Chalte chalte shayad ab bahut door aa gaye hai hum,

Itna door toh nahi aana tha mujhe,

Ruk jaana bhi toh nahi aata mujhe.

Par kahin toh raah se bhatak gaye hai hum,

Ab woh pehle wale lafzo se door se ho gaye hai hum,

Itna bhi ulajh jaana nahi tha mujhe,

Par bahut saara kuch kehna ab bhi toh hai mujhe.

Chalte chalte fir kahin aur door tak chalte hai chal,

Abhi uss mod se aage sochenge rukna hai ki nahi jald.