Bahaana

Ab toh koi bahaana hai bhi nahi, Yaadein aa jaati hai phir bhi yunhi.. Dil sambhal gaya toh hai par, Ab dagmagaane ka koi Bahaana hai bhi nahi..

Sapno mein ab bhi jo Ghar hai tumhara, Dastak aa jaati hai kabhi wahan, Wahi hasta chehra, Wahi muskurahat, Wahi chaandni raatein, Par ab raatein bitaane ka, Koi bahaana hai bhi nahi..

Yaadon ki dukaano mein, Bechne nikli thi kuch yaadein, Pata chala ki unka koi mol hai nahi.. Par unn yaadon ko ab fir se dohraane ka, Koi bahaana hai bhi nahi..

Gaye the tum jab, bahaana dekar koi, Anjaana sa koi fasaana tha kahin, Aaye ho ab jo tum firse yahan, Aane ka toh ab, Koi bahaana hai bhi nahi..

#writing #besthindipoetry #writer #blogger #blogging #bestpoemblog #Hindipoem #blog #love #poem #Hindipoetry #firstlove #lostlove