Ab Ki Baat

Balcony mein baithi hu,

Chaand ko dekh rahi hu,

Chaap Tilak sunn rahi hu,

Blog likh rahi hu,

Cricket ki thodi thodi commentary ki awaaz aa rahi hai TV se,

Apne ghar ki bahut yaad bhi aa rahi hai,

Saath mein uski bhi yaad aa rahi hai.

Aur unn dino ki yaad aa rahi hai,

Jab mai jhoola jhoolte usse baat kiya karti the.

Ab naye logo se baat hoti hai,

Aur har pal humari baatein yaad aati hai.

Kal ek kitaab padh rahi thi,

Aaj chod di,

Uska kirdaar bhi uski tarah batla raha tha.

Ek ajeeb si fikar hai,

Anjaana sa chid-chidapan bhi,

Ek ehsaas hai par ki sab theek ho raha hai,

Bawajood jo bhi kuch ho raha hai,

Sab sahi sa mehsoos ho raha hai.